ഓപറേഷന്‍ കഴിഞ്ഞു... ബോറടിക്കുന്നു....

എന്റെ പ്രിയപ്പെട്ട കൂട്ടുകാരെ...

എന്റെ ഓപറേഷന്‍ കഴിഞ്ഞു... ഇപ്പോള്‍ വീട്ടില്‍ ചുമ്മാ കിടന്നു വിശ്രമിക്കുന്നു... വിശ്രമിച്ചു വിശ്രമിച്ചു ബോറടിക്കുന്നു....

എന്തിന്റെ ഓപറേഷന്‍ എന്നാണോ കൂട്ടുകാര്‍ ആലോചിക്കുന്നത്... ഒരു പട്ടി വരുത്തി വച്ച അപകടം ആണ് അത്. 2009 ഡിസംബര്‍ 8 - നു ഓഫീസില്‍ നിന്നും രാത്രി 9.30 നു ജോലിയും കഴിഞ്ഞു ഞാന്‍ എന്റെ ബൈക്കില്‍ വീട്ടിലേക്കു വരുമ്പോള്‍ നാഷണല്‍ ഹൈവയില്‍ വച്ച് ഒരു കറുത്ത് തടിച്ച വൃത്തികെട്ട പട്ടി വന്നു എന്റെ ബൈക്കില്‍ ഇടിച്ചു... ബൈക്ക് സൈഡിലേക്കും ഞാന്‍ റോഡിന്റെ മധ്യ ഭാഗത്തേക്കും തെറിച്ചു വീണു. അപ്പോള്‍ എന്തോ ഭാഗ്യത്തിന് ആ സമയത്ത് അത് വഴി വേറെ വണ്ടി ഒന്നും വന്നില്ല... അതുകൊണ്ട് ജീവന്‍ തിരികെ കിട്ടി... അപ്പോള്‍ തന്നെ കുറച്ചു അപ്പുറത്ത് ജോലി ചെയ്തു കൊണ്ട് നിന്ന കുറച്ചു പയ്യന്മാര്‍ ഓടികൂടുകയും എന്നെ ഉടന്‍ തന്നെ അവര്‍ അടുത്തുള്ള ആശുപത്രിയില്‍ എത്തിക്കുകയും ചെയ്തു. എന്റെ രണ്ടു കൈ മുട്ടിനും ഒരു കാല്‍ മുട്ടിനും പരിക്ക് ഉണ്ടായിരുന്നു. എന്നാല്‍ എന്റെ വലതുകാലിന് ഒരു ചെറിയ പോറല്‍ പോലും പുറമേ ഇല്ലായിരുന്നു.. പക്ഷെ ആ കാലില്‍ ആണ് നല്ലൊരു പരിക്ക് ഒളിഞ്ഞു ഇരിപ്പുണ്ടായിരുന്നത്... ആ കാലിന്റെ ligament പോട്ടിപ്പോയിരുന്നു.. അതുകാരണം എനിക്ക് എന്റെ വലതു കാല്‍ നിലത്തു തൊടാന്‍ പോലും പറ്റില്ലായിരുന്നു.. അത് പൊട്ടിയത് സ്കാന്‍ ചെയ്തപ്പോള്‍ കണ്ടു പിടിച്ചു.. എന്റെ ആ കാലാണ് ഇപ്പോള്‍ ഓപറേഷന്‍ ചെയ്തത്. ഇനി രണ്ടു മാസം മുഴുവന്‍ വിശ്രമം വേണമെന്നാണ് ഡോക്ടര്‍ പറഞ്ഞത്.. അതാലോചികുമ്പോള്‍ തന്നെ ബോറടിക്കുന്നു... അതുകൊണ്ട് എന്റെ പ്രിയപ്പെട്ട കൂട്ടുകാരെ നിങ്ങള്‍ വല്ലപ്പോഴുമൊക്കെ എന്നെ ഒന്ന് വിളിക്കുകയോ ഓര്‍ക്കുട്ടില്‍ സ്ക്രാപ്പ് ഇടുകയോ മെയില്‍ അയക്കുകയോ ഒക്കെ ചെയ്യണേ... ഇല്ലെങ്കില്‍ ഞാന്‍ ഇവിടെ കിടന്നു ബോറടിച്ചു മരിക്കും...

എന്ന് നിങ്ങളുടെ സ്വന്തം
പനങ്ങോടന്‍

ചുമ്മാ ഇരിക്കുകയാണോ...എങ്കില്‍ പണി തരാം...

എന്റെ പ്രിയപ്പെട്ട കൂട്ടുകാരെ...

നിങ്ങള്‍ ചുമ്മാ ഇരിക്കുകയാണോ... എങ്കില്‍ നിങ്ങള്‍ക്ക് ഞാന്‍ ഒരു ഉഗ്രന്‍ പണി തരാം. പക്ഷെ ആദ്യം നിങ്ങള്‍ക്ക് സ്വന്തമായി ഭാവന ഉണ്ടോ എന്നറിയണം..
അതിനു വേണ്ടി നിങ്ങള്‍ ചെയ്യേണ്ടത് ഇത്ര മാത്രം.. ആദ്യം നിങ്ങളുടെ കൈയിലുള്ള കഥകള്‍, കവിതകള്‍, നോവലുകള്‍, യാത്രാ വിവരണങ്ങള്‍, ഫലിതങ്ങള്‍ തുടങ്ങി എന്ത് ചപ്പു ചവറും എനിക്ക് അയച്ചു തരണം.. ഞാന്‍ അവയെല്ലാം വായിച്ചു നോക്കി കൊള്ളാമെങ്കില്‍ എന്റെ ബ്ലോഗില്‍ പ്രസിദ്ധീകരിക്കും. ആരും പേടിക്കണ്ടാ... ഞാന്‍ എന്റെ സ്വന്തം പേരില്‍ തന്നെ പ്രസിദ്ധീകരിച്ചു നിങ്ങളെ അമ്പരപ്പിക്കുന്നതായിരികും. പിന്നെ നിങ്ങള്‍ക്ക് നിര്‍ബന്ധം ആണെങ്കില്‍ മാത്രം നിങ്ങളുടെ പേരും കൂടി ഏതെങ്കിലും സൈഡില്‍ ചെറുതായി വച്ചേക്കാം.

നിങ്ങള്‍ ഒരു കാര്യം മനസ്സിലാക്കണം, നിങ്ങളുടെ കഥകളും കവിതകളും നോവലുമൊക്കെ നിങ്ങള്‍ എത്ര കാലം ഒറ്റക്കിരുന്നു വായിച്ചു ബോറടിക്കും. ബാക്കി ഉള്ളവര്‍ക്കിട്ടും ഒരു പണി കൊടുക്കണ്ടേ.. അതിനുള്ള ഒരു സുവര്‍ണ്ണ അവസരം ആണ് നിങ്ങള്‍ക്ക് സംജാതമായിരിക്കുന്നത്.. ആ അവസരം കളഞ്ഞു കുളിക്കാതെ മുതലാക്കു...

കുറിപ്പ് :- എന്നെപ്പോലെ സ്വന്തമായി എഴുതാന്‍ അറിഞ്ഞൂടാത്തവന്റെ ഓരോ കഷ്ടപ്പാടുകളെ..!!!... എനിക്കും ജീവിക്കണ്ടേ...??? :-)


എന്ന് സ്വന്തം
പനങ്ങോടന്‍