പനങ്ങോടന്‍

ഈ ഓണക്കാലത്തു ആമസോൺ പ്രൈമിൽ റിലീസായ ചിത്രമാണ് #HOME. ഇന്ദ്രൻസ്, മഞ്ജു പിള്ള, ശ്രീനാഥ് ഭാസി, നെസ്‌ലിൻ തുടങ്ങിയവർ അഭിനയിച്ച റോജിൻ തോമസ് സംവിധാനം ചെയ്ത ഒരു ഒന്നാന്തരം സിനിമ. ഒരു വീട്ടിൽ അച്ഛനും അമ്മയും രണ്ടു മക്കളും അപ്പൂപ്പനും അടങ്ങുന്ന ഒരു കുടുംബത്തിൽ നടക്കുന്ന സംഭവങ്ങളെ കോർത്തിണക്കി നിർമ്മിച്ച സിനിമ, അതാണ് #HOME. അച്ഛൻ വേഷത്തിലെത്തുന്ന ഇന്ദ്രൻസിന്റെ പെർഫോമൻസ് ആണ് ഇതിലെ ഹൈലൈറ്. ആ ഒരു എക്സ്ട്രാ ഓർഡിനറി സംഭവം ഒഴികെ ഇന്ദ്രൻസ് ചെയ്യുന്ന എല്ലാ കാര്യങ്ങളും എന്റെ ജീവിതത്തിലും ഉണ്ടായവയാണ്. എന്റെ അച്ഛനും ഇതുപോലെയാണ്. ഞാനും ചേട്ടനും സ്മാർട്ട് ഫോൺ മേടിച്ചപ്പോൾ അച്ഛനും ഒരു സ്മാർട്ട് ഫോൺ മേടിച്ചു. എന്നിട്ടു രാത്രി മൊത്തം അതിലെ ഓരോ സംഗതികളായി ഞാൻ പറഞ്ഞു കൊടുത്തു, അതെല്ലാം അച്ഛൻ ഓരോ സ്റ്റെപ്പായി അച്ഛന്റെ ഡയറിയിൽ കുറിച്ച് വച്ചു. എല്ലാം പഠിപ്പിച്ചു കൊടുത്താലും കുറെ നേരം കഴിയുമ്പോൾ അച്ഛൻ വീണ്ടും സംശയവുമായി വരും, തലയണ മന്ത്രത്തിൽ ശ്രീനിവാസനെ കാർ ഓടിക്കാൻ പഠിപ്പിക്കുന്ന മാമുക്കോയയുടെ അവസ്ഥയാകും എന്റേത് അപ്പോൾ, ദേഷ്യം വന്ന് ഒരിടി വച്ച് കൊടുത്താലോ എന്നുവരെ തോന്നിപ്പോവും. അച്ഛനായിപ്പോയില്ലേ. whatsapp ഇൽ മെസേജ...