Skip to main content

സഫലം

ഒരു വ്യക്തിക്കോ അയാളുടെ കുടുംബത്തിനോ അവരുടെ ജീവിതത്തിൽ സന്തോഷിക്കാൻ പല കാര്യങ്ങളും ഉണ്ടായെന്നിരിക്കും. ആ സന്തോഷങ്ങളുടെയെല്ലാം വ്യാപ്തി അതിന്റെ സന്ദർഭത്തെയും സംഭവത്തെയും ആശ്രയിച്ചിരിക്കും. പ്രതീക്ഷിക്കുന്ന സമയത്തായിരിക്കാം, അല്ലെങ്കിൽ ചിലപ്പോൾ ഒട്ടും പ്രതീക്ഷിക്കാത്ത സമയത്തായിരിക്കാം സന്തോഷത്തിനു വക നല്കുന്ന സംഭവം നടക്കുന്നത്. എന്നാൽ കുറേക്കാലമായി വളരെയധികം ആഗ്രഹിച്ചിരുന്ന ഒരു സംഭവം അല്പം പോലും പ്രതീക്ഷിക്കാത്ത സമയത്ത് സംഭവിച്ചാൽ എന്തായിരിക്കും സ്ഥിതി. ഞാനാണെങ്കിൽ സന്തോഷംകൊണ്ട് തുള്ളിച്ചാടും. അങ്ങനെ വളരെയധികം സന്തോഷം തോന്നിയ ഒരു സന്ദർഭം എന്റെ ജീവിതത്തിലും ഉണ്ടായി.

2013 സെപ്റ്റംബർ 21 ശനിയാഴ്ച രാവിലെ. കഴിഞ്ഞ രണ്ടര വർഷമായി ആഗ്രഹിക്കുന്ന ഒരു കാര്യം, എന്നാൽ ഇപ്പോൾ ആ ആഗ്രഹം സഫലമാവുമെന്ന് യാതൊരു പ്രതീക്ഷയുമില്ലാത്ത സമയം. പക്ഷേ, അതിനെ തകിടം മറിച്ചു കൊണ്ട് നമ്മുടെ ആഗ്രഹം സഫലമായതായി ഇന്ന് നമ്മൾ തിരിച്ചറിഞ്ഞു. ജീവിതത്തിൽ പ്രമോഷൻ കിട്ടിയതിന്റെ ലക്ഷണം ആദ്യമായി നമുക്ക് മുൻപിൽ തെളിഞ്ഞു വന്നു. ആദ്യം എനിക്കും അനുവിനും വിശ്വസിക്കാൻ കഴിഞ്ഞില്ല. കാരണം എത്രയോ കാലമായി നമ്മൾ അത്യധികം ആഗ്രഹിച്ചിരുന്ന ഒരു കാര്യം കണ്മുന്നിൽ തെളിഞ്ഞു വന്നപ്പോൾ അതിനെ തിരിച്ചറിഞ്ഞ് അംഗീകരിക്കാൻ കുറച്ചു സമയമെടുത്തു. ആ സത്യത്തെ ഉടൻ തന്നെ ലോകത്തോട്‌ വിളിച്ചു പറയണമെന്ന് എനിക്ക് തോന്നി. ഞാനും അനുവും ഉടൻ തന്നെ ആശുപത്രിയിൽ പോയി ഒന്നു രണ്ട് ടെസ്റ്റുകൾ കൂടി നടത്തി, ഒന്നുകൂടെ ഉറപ്പിക്കാൻ വേണ്ടി. വൈകുന്നേരം ആ ടെസ്റ്റ്‌ റിപ്പോർട്ട്‌ എന്റെ കൈയ്യിൽ കിട്ടുമ്പോൾ എന്റെയടുത്ത് എന്റെ കൂട്ടുകാർ ഉണ്ടായിരുന്നു. റിപ്പോർട്ട്‌ വായിച്ചതിനു ശേഷം ഞാൻ അവരോടു പറഞ്ഞത് ഇങ്ങനെയാണ്,
"കഴിഞ്ഞ രണ്ടര വർഷമായി ഞാനും എന്റെ ഭാര്യയും കാത്തിരിക്കുന്നത് ഇങ്ങനെയൊരു റിപ്പോർട്ടിനു വേണ്ടിയാണ്. അതെനിക്ക് ഇന്ന് കിട്ടി..."

ഞാനും അവളും വളരെയധികം സന്തോഷത്തിലാണ് ഇപ്പോൾ. നമ്മുടെ ഏറ്റവും വലിയൊരാഗ്രഹം സഫലമായതിന്റെ സന്തോഷത്തിൽ. ഇനി കുറച്ചു നാളത്തെ കാത്തിരിപ്പ്‌, അതിനെയൊന്ന് നേരിൽക്കാണാൻ.


എന്ന് നിങ്ങളുടെ സ്വന്തം
പനങ്ങോടൻ

Comments

Post a Comment

Popular posts from this blog

അവനും അവളും

അവനും അവളും. അവരെ രണ്ടുപേരെയും എനിക്ക് വളരെ നന്നായി അറിയാം. അവനെയാണോ അവളെയാണോ എനിക്ക് ഏറ്റവും കൂടുതല്‍ നന്നായി അറിയാവുന്നതെന്ന് ചോദിച്ചാല്‍, ഉത്തരമില്ല ആരെയാണെന്ന്. ജനിച്ച നാള്‍ മുതല്‍ ഞാന്‍ കൂടെ കൊണ്ട് നടക്കുന്നതാണു അവനെ. ഇന്നുവരെ ഈ നിമിഷം വരെ നമ്മള്‍ പിരിഞ്ഞിരുന്നിട്ടില്ല. പക്ഷെ അവളെ ഞാന്‍ പരിചയപ്പെട്ടിട്ട് കുറച്ചു നാളുകളെ ആയിട്ടുള്ളൂ. അന്നാണ് അവനും അവളും പരസ്പരം കാണുന്നത്, അവന് അവളെയും അവള്‍ക്ക് അവനെയും ഇഷ്ടമാണെന്ന് പറയുന്നത്. അതിനു ശേഷം അവര്‍ തമ്മില്‍ ഒരുപാട് അടുത്തു. എല്ലാ കാര്യങ്ങളും പരസ്പരം തുറന്നു പറഞ്ഞു. മനസ്സില്‍ വിഷമമോ സന്തോഷമോ എന്തുണ്ടായാലും അവര്‍ പരസ്പരം പങ്കുവച്ചു. അല്പം പോലും പിശുക്ക് അവര്‍ അതില്‍ കാണിച്ചില്ല. കാലക്രമേണ അവര്‍ ഭാര്യാ ഭര്‍ത്താക്കന്മാരായി. അവന്‍ ആരെയെങ്കിലും ഇത്രക്ക് സ്നേഹിച്ചിട്ടുണ്ടോ എന്നെനിക്കറിയില്ല, ഇനി ആരെയെങ്കിലും ഇതിനേക്കാള്‍ കൂടുതല്‍ സ്നേഹിക്കാന്‍ പറ്റുമോ എന്നും എനിക്കറിയില്ല, കാരണം അത്രയ്ക്ക് ഇഷ്ടമാണ് അവന് അവളെ. കേള്‍ക്കുമ്പോള്‍ അതിശയോക്തി തോന്നുമെങ്കിലും സത്യം അതാണ്‌. അവള്‍ക്ക് അവനോടും അങ്ങനെ തന്നെയാണ്. ഞാന്‍ എന്തിനാണ് അവരെക്കുറിച്ച് എഴുതുന്നതെന്...
6 comments
Read more

മാണിക്യക്കല്ല്

ഇന്ന് രാവിലെ അനുവും(എന്റെ ഭാര്യ) ഞാനും കൂടി ഓഫീസിലേക്ക് പോകുന്ന വഴിക്ക്, ഈഞ്ചക്കല്‍ കഴിഞ്ഞപ്പോള്‍ ഒരു സിനിമ പോസ്റ്റര്‍ കണ്ടു. കണ്ടപ്പോള്‍ തന്നെ അത് നമ്മള്‍ക്ക് ഇഷ്ടപ്പെട്ടു. പ്രിഥ്വിരാജ് ഒരു കണ്ണടയൊക്കെ വച്ച് മുണ്ടൊക്കെ ഉടുത്ത് നില്‍ക്കുന്ന ഒരു മനോഹരമായ പോസ്റ്റര്‍. നോക്കിയപ്പോള്‍ സിനിമയുടെ പേര് മാണിക്യക്കല്ല് എന്നാണെന്നും അത് ഇന്നാണ് റിലീസ് ചെയ്യുന്നതെന്നും മനസ്സ്ലായി. അപ്പോള്‍ തന്നെ ഞാന്‍ അവളോട്‌ ചുമ്മാ ഒന്ന് ചോദിച്ചു നോക്കി, ഇന്ന് വൈകുന്നേരം നമുക്ക് ഈ സിനിമയ്ക്കു പോയാലോ എന്ന്. അത് ചോദിച്ചപ്പോള്‍ അവളുടെ മുഖത്തുണ്ടായ സന്തോഷം കാണണം. ഒരു നൂറു വാട്ട് ഹാലോജെന്‍ കത്തിയതുപോലെ ഉണ്ടായിരുന്നു. പിന്നെ അവളെ അവളുടെ ഓഫീസില്‍ ആക്കിയതിന് ശേഷം ഞാന്‍ എന്റെ ഓഫീസില്‍ എത്തി. സിനിമയ്ക്കു പോണം. പക്ഷെ എങ്ങനെ പോകും. ഇന്നല്ലേ റിലീസിംഗ് ദിവസം. എങ്ങനെ ടിക്കറ്റ്‌ എടുക്കും, ആര് ടിക്കറ്റ്‌ എടുക്കും. വൈകുന്നേരം ഒരു കല്യാണത്തിനും പോണം. എന്ത് ചെയ്യും. അങ്ങനെ വിഷമിച്ചു ഇരിക്കുമ്പോളാണ് ഒരു ദൈവ ദൂതനെപോലെ വിനു പറഞ്ഞത് അവന്‍ ടിക്കറ്റ്‌ ഓണ്‍ലൈന്‍ ആയി ബുക്ക്‌ ചെയ്തു തരാമെന്നു. ഇത് കേട്ടപ്പോള്‍ എനിക്കുണ്ടായ സന്തോഷം കാണണം. ഇവി...
7 comments
Read more

ആനകളുടെ നീരാട്ട് കണ്ടുകൊണ്ടൊരു ബോട്ട് യാത്ര

 "സാധാരണ ബോട്ട് യാത്രയിൽ മൃഗങ്ങളെ ധാരാളമായി കാണാറുണ്ട്, എന്നാൽ ആനകൾ നീന്തി ഒരു കരയിൽ നിന്നും മറുകരയിലേക്ക് പോവുന്നത് വളരെ വിരളമായി മാത്രേ കാണാൻ പറ്റു. അത് നിങ്ങൾക്ക് ഇപ്പൊ കാണാം.. ആരും ബഹളം വയ്ക്കരുത്.. ദേ അങ്ങോട്ട് നോക്കിക്കേ" ബോട്ടിലെ ജീവനക്കാരൻ ചേട്ടൻ അത് പറഞ്ഞപ്പോൾ ആണ് നമ്മൾ കുറച്ചു ദൂരെയായി ആ കാഴ്ച കണ്ടത്, ഒരു കൂട്ടം ആനകൾ വെള്ളത്തിലൂടെ നീന്തി അപ്പുറത്തെ കരയിലേക്ക് പോവുന്നു.  തേക്കടി ജലാശയത്തിലൂടെയുള്ള എന്റെ മൂന്നാമത്തെ ബോട്ട് യാത്രയാണ് ഇത്. പക്ഷെ ഇന്നുവരെ ഇങ്ങനെയൊരു കാഴ്ച കണ്ടിട്ടില്ലായിരുന്നു. ഇത്തവണ എന്തുകൊണ്ടും ഭാഗ്യമുള്ള ദിവസമായിരുന്നു. കാരണം ബോട്ടിൽ കേറാൻ വേണ്ടി നിൽക്കുമ്പോൾ തന്നെ അപ്പുറത്തെ കരയിൽ ഏഴോളം ആനകളും കുട്ടിയാനകളും വെള്ളം കുടിക്കാൻ വേണ്ടി വന്നിട്ടുണ്ടായിരുന്നു, കൂടാതെ കാട്ടുപോത്തുകൾ, മ്ലാവുകൾ ഇങ്ങനെ ഒരുപാടു മൃഗങ്ങളെ ബോട്ട് യാത്ര തുടങ്ങുന്നതിനു മുൻപ് തന്നെ കാണാൻ പറ്റി. തേക്കടി ജലാശയത്തിലൂടെയുള്ള യാത്ര ഒരു പ്രത്യേക അനുഭവമാണ് എല്ലായ്പ്പോഴും സമ്മാനിക്കുന്നത്. എന്റെ ആദ്യത്തെ യാത്ര ഏകദേശം 12 വർഷങ്ങൾക്കു മുൻപായിരുന്നു. രണ്ടാമത്തേത് ഫെബ്രുവരി 2021 ലും മൂന്നാമത്തേത്...
1 comment
Read more